Üç külək ovçusu

Hadisələr 1997-ci ildə, Honkonqun Çinə təhvil verilməyə hazırlaşdığı ərəfədə cərəyan edir. Şəhərin ən məşhur üç soyğunçusunun heç biri indiyə qədər bir-birini görməyib və onların simasını tanıyanların sayı çox azdır. Onlar uzun müddət öz işlərini bir-birindən xəbərsiz şəkildə davam etdirirlər.

Cinayətkarlardan biri nəhayət ki, digər iki həmkarı ilə tanış olmaq qərarına gəlir. Bu gözlənilməz təşəbbüs və bir araya gəlmək cəhdi sürətlə dəyişən tarixi hadisələrin fonunda qəhrəmanların taleyinə yeni istiqamət verir.

2016-cı il istehsalı olan «Üç külək ovçusu» (Chu dai chiu fung) kriminal dramını rejissorlar Cevons Ou və Frenk Xuey ərsəyə gətiriblər. Honkonq və Çin kinematoqrafçılarının ortaq layihəsində baş rolları Riçi Jen, Cordan Çan, Qordon Lam və Tommi Von canlandırırlar.