Kasa Karakol

Şəhər səs-küyündən uzaqlaşmaq istəyən Sofiya Meksikanın sakit bir kəndinə üz tutur. Cəngəlliklərin qoynunda yerləşən «Casa Caracol» adlı qeyri-adi hosteldə məskunlaşan qadın burada cazibədar Niko və onun dostları ilə tanış olur. Buradakı azad və qayğısız mühit Sofiyanı özünə cəlb edir.

Nikoya aşiq olan Sofiya bu icmada birdəfəlik qalmaq qərarına gəlir. Lakin baş verən faciəli hadisə hər şeyi alt-üst edir. Nəticədə qadın yeni tanışlarının əsl simasını və onların dinc həyatının arxasında gizlənən həqiqətləri öyrənməyə məcbur olur.

Kriminal və melodram janrlarını birləşdirən Meksika istehsalı «Casa Caracol» filminin rejissoru Jan-Mark Rosso Ruisdir. 2017-ci ildə ekranlara çıxan ekran əsərində baş rolları Rozalba Qarsia, Yanis Qerrero, José Carriedo və Noni Müller Qastelum canlandırıb.