Aşağıdakı kirayəçilər

Mənzil sahibi kirayə verdiyi binanın hər küncünə gizli müşahidə kameraları yerləşdirir. Görünməz qalan ev yiyəsi otaqlarda baş verənləri fasiləsiz izləyərək sakinlərin ən gizli tərəflərini və vərdişlərini öyrənir.

Lakin sadəcə seyrçi qalmaq ona bəs etmir. Qısa müddət sonra o, kirayəçilərin taleyinə birbaşa müdaxilə etməyə, xəbərsiz insanların gündəlik həyatını öz istədiyi istiqamətə yönəltməyə başlayır.

«Lou xia de fang ke» adlı kriminal dram və triller filmi Tayvanda rejissor Adam Tsuy tərəfindən lentə alınıb. 2016-cı ildə təqdim olunan ekran əsərinin baş rollarında Saymon Yam, Ayvi Şao, Sofiya Lu və Li Kanşen çəkiliblər.