Həyat yoldaşının şübhəsi

Məhkəmə eksperti Rene amansız seriyalı qatilin törətdiyi silsilə cinayətləri araşdırır. Bu mürəkkəb işə onun keçmiş sevgilisi olan detektiv Kayl da cəlb edilir. Kayl üçün bu axtarışlar şəxsi intiqam məsələsidir, çünki onun həyat yoldaşı həmin cinayətkarın ilk qurbanı olub.

Dəlilləri və hadisə yerindən toplanan faktları təhlil edən Rene gözlənilməz nəticələrlə qarşılaşır. Şübhələr addım-addım onun yeni ərinin üzərinə yönəlməyə başlayır. Qadın sevimli həyat yoldaşının qaranlıq keçmişini açdıqca həm özünü, həm də doğmalarını böyük təhlükəyə atır.

«Evidence of Truth» filmi 2016-cı ildə Kanadada rejissor Cessi Ceyms Miller tərəfindən lentə alınıb. Bu dramatik cinayət hekayəsində baş rolları Andrea Rot, Vudi Ceffris, Sebastyan Spens və Meredit MakQiçi canlandırıblar.