Menyu

Honkonqun «Smart Post» qəzetinin əməkdaşları rəqəmsal dövrdə oxucu kütləsinin diqqətini çəkmək üçün gərgin yarış aparırlar. Bu ərəfədə C99 telekanalının studiyasında canlı yayım gedərkən partlayış törədilir. Hadisəni törədən Tam adlı yaşlı kişi çəkiliş heyətini və efirin qonağı olan varlı gənci girov götürür. O, vaxtilə qızının qətlinə görə qanun qarşısında cəzasız qalmış həmin gəncdən intiqam almağa çalışır.

Əlində partladıcı qurğu saxlayan ata ədalət tələb edərək Honkonq administrasiyasının rəhbəri ilə şəxsi görüş istəyir. Digər kütləvi informasiya vasitələrini qabaqlamaq istəyən jurnalistlər tələsik hadisə yerinə yollanırlar. Müxbirlər canlı xəbərlər hazırlamaqla yanaşı, təcavüzkarın əsl niyyətini və illər əvvəl baş verənləri araşdırmağa başlayırlar.

«Dou for sun man sin» adlı cinayət və dram filmini rejissor Ben Fun lentə alıb. Çin və Honkonq istehsalı olan bu ekran əsəri 2016-cı ildə təqdim edilib. Əsas rolları Keyt Yen, Ketrin Çau, Qreqori Von və Mimi Kun canlandırıb.