Hamog

Filippində ailə qayğısından məhrum olan, küçələrdə dilənçilik və oğurluqla dolanan kimsəsiz uşaqları yerli dildə batang hamog adlandırırlar. «Hamog» filmi məhz belə bir mühitdə həyat mübarizəsi aparan dörd azyaşlının taleyindən bəhs edir. Onlar hər gün şəhərin təhlükələri arasında özlərinə yemək tapmağa çalışırlar.

Uğursuz qurtaran növbəti oğurluq cəhdi uşaqların qrupunu dağıdır. Dəstənin üzvlərindən olan bir qız izsiz-tozsuz yoxa çıxır, digər oğlan isə maşın qəzasına düşür. Baş verən hadisələrdən sonra tək qalan digər iki uşaq küçələrdə sağ qalmaq naminə hər cür addımı atmağa məcbur olur.

Kriminal dram janrında çəkilmiş bu ekran əsərinin rejissoru Ralston Joverdir. Filippin istehsalı olan 2015-ci il filmində əsas rolları Zaijian Jaranilla, Teri Malvar, Sam Quintana və Bon Andrew Lentejas canlandırıblar.