Sadəlövh

Qəza nəticəsində avtomobili yararsız hala düşən Antuan Mareşal gözlənilməz təkliflə qarşılaşır. Qəzanın səbəbkarı olan varlı sənayeçi Leopold Saroyan ziyanı ödəmək üçün ona içərisində telefon və xüsusi səs sistemi quraşdırılmış bahalı kabriolet verir. Sevincək səyyah bu dəbdəbəli maşınla İtaliyaya doğru yoluna davam edir.

Əslində isə bu səxavətin arxasında gizli plan dayanır. Hədiyyə edilən avtomobilin içərisinə xeyli qızıl və qaçaqmal gizlədilib, sadəlövh Antuan isə Saroyanın dəstəsi üçün kuryer rolunu oynayır. Heç nədən xəbəri olmayan sürücünün izinə dərhal iki rəqib cinayətkar qruplaşma düşür.

1965-ci ildə çəkilən «Sadəlövh» filminin rejissoru Jerar Uridir. Fransa, İtaliya və İspaniyanın birgə istehsalı olan bu kinokomediyada əsas obrazları Burvil, Lui de Fünes, Venantino Venantini və Anri Jene canlandırıb.