G.O.R.A.

Xalça satıcısı Arif sadəlövh turistlərə mal sırımaqla yanaşı, boş vaxtlarında saxta UNO şəkilləri hazırlamaqla məşğul olur. Lakin günlərin bir günü onun dükanına həqiqi yadplanetlilər təşrif buyurur. Gözlənilmədən G.O.R.A. planetinin sakinləri tərəfindən qaçırılan Arif yad bir dünyaya aparılır.

Orada digər əsirlərlə birlikdə ən ağır işləri görməyə məcbur qalan qəhrəmanın həyatı təhlükə altına düşür. Çox keçmədən kainat miqyaslı şər qüvvələrin planetə hücumu başlayır və Arif hamını xilas etmək, eyni zamanda yerli şahzadənin sevgisini qazanmaq üçün fürsət əldə edir.

Türkiyə istehsalı olan bu fantastik komediya filmi 2004-cü ildə rejissor Ömer Faruk Sorak tərəfindən çəkilib. Baş rolu Cem Yılmaz canlandırır, digər rollarda isə Özge Özberk, Ozan Güven və Şafak Sezer çəkiliblər.