Virus

Böyük dövlətlər arasındakı qarşıdurma labüd fəlakətlə nəticələnir: sərbəst qalan ölümcül infeksiya qısa zamanda Yer kürəsinə yayılaraq canlı aləmi məhv edir. Soyuq iqlimə dözümsüz olan patogendən qaçmağı bacaran səkkiz yüz altmış üç nəfər Antarktidanın buzlaqlarında sığınacaq tapır.

Fərqli millətlərdən və inanclardan ibarət bu qrup daxilində tez-tez fikir ayrılıqları və gərginliklər yaranır. Lakin Amerika qitəsindən qaynaqlanan yeni təhlükə keçmiş inciklikləri unutdurur. Avtomatik nüvə hücumu ehtimalı qarşısında Antarktida rəhbərliyi atom sualtı qayığının heyətinə ABŞ sahillərinə çatıb raket buraxılışının qarşısını almaq tapşırığını verir.

1980-ci il istehsalı olan bu yapon fantastika filmi «Fukkatsu no hi» Kinci Fukasaku tərəfindən çəkilib. Ekran əsərində əsas obrazları Masao Kusakari, Sonni Tiba, Corc Kennedi və Robert Von canlandırıblar.