İnterpol agenti 009

Filippində İnterpol əməkdaşının naməlum şəxslər tərəfindən qətlə yetirilməsindən sonra təhqiqat 009 kod adlı təcrübəli çinli əməliyyatçı Çen Tyanxuna tapşırılır. İlk araşdırmalar zamanı aydın olur ki, həmkarının ölümü saxta ABŞ dollarlarının qaçaqmalçılığı ilə məşğul olan gizli dəstə ilə bağlıdır.

Bütün izlər Honkonqa apardığı üçün xəfiyyə dərhal təyyarə ilə ora yollanır. «İnterpol agenti 009» filminin qəhrəmanı səfər zamanı və şəhərə çatan kimi axtardığı cinayətkar şəbəkə ilə birbaşa əlaqəsi olan qadınlarla qarşılaşır.

Macəra və triller janrında çəkilmiş Honkonq istehsalı ekran əsəri 1967-ci ildə işıq üzü görüb. Filmin rejissoru Ko Nakahiradır, baş rolları isə Marqaret Tu Çuan, Tan Çin, Şen İ və Çan Pey-Şan ifa edirlər.