Fatima

Osetin knyazı qapısına qoyulmuş körpə qızı vəfat etmiş övladının xatirəsinə evinə götürüb böyüdür. İllər keçir, gözəl bir qıza çevrilən Fatima knyazın oğlu Cambulatla bir-birini sevir. Knyazın muzduru İbrahim də gənc qıza aşiq olsa da, sevgililərin xoşbəxtliyini görüb hisslərini gizli saxlayır. Rusiya-Türkiyə müharibəsi başladıqda püşk məhz Cambulata düşür və o, beş il müddətinə doğma yurdunu tərk edir.

Aradan on il keçməsinə baxmayaraq, ayrılıq bitmir və gəncdən xəbər çıxmır. Dağ qanunlarına və knyazın təkidinə görə ailə qurmaq məcburiyyətində qalan Fatima əsilzadə elçiləri rədd edir. O, artıq rus mühəndisinin yanında işləyən köhnə dostu İbrahimə ərə gedir. Onlar dinc bir ailə qurur, hətta ilk oğullarına Cambulatın adını verirlər. Beş illik sakit həyatdan sonra əsirlikdən qayıdan Cambulat gəlir və Fatimanı geri tələb edir.

Rejissor Siko Dolidzenin çəkdiyi «Fatima» filmi 1959-cu ildə SSRİ-də istehsal olunub. Bu ekran əsərində baş rolları Tamara Kokova, Vladimir Txapsayev, Otar Meqvinetuxutsesi və Qiuli Çoxonelidze canlandırıblar.