Sağ qalmaq

1972-ci ilin payızında Uruqvayın məktəb reqbi komandasını daşıyan təyyarə And dağları üzərində qəzaya uğrayır. Qəzadan sağ çıxan gənclər xarici aləmdən tamamilə təcrid olunmuş, qarla örtülü yüksək dağ yaylasında köməksiz vəziyyətdə qalırlar.

«Sağ qalmaq» filmi bu gənclərin dondurucu soyuqda yetmiş iki gün davam edən ağır mübarizəsindən bəhs edir. Təyyarənin qalıqları onlar üçün sığınacağa çevrilir, ərzaq tükəndikdə isə həyatda qalmaq naminə həlak olmuş yoldaşlarının cəsədləri ilə qidalanmaq məcburiyyətində qalırlar.

Tarixi dram janrında çəkilmiş ekran əsərinin rejissoru Frenk Marşalldır. Baş rolları İtan Houk, Vinsent Spano, Coş Hemilton və Brüys Remzey canlandırıblar. ABŞ və Kanada istehsalı olan bu film 1993-cü ildə nümayiş olunub.