American Exit

Ağır xəstəlikdən əziyyət çəkən və böyük borclar içində qalan Çarli oğlu ilə itirilmiş əlaqəni bərpa etmək istəyir. O, şübhəli sənət alverçisindən qiymətli bir rəsm əsərini oğurlayır. Daha sonra keçmiş həyat yoldaşının icazəsi olmadan yeniyetmə oğlunu məktəbdən götürərək avtomobillə Kaliforniya səhrasına tərəf yola düşür.

Bu qaçış ata üçün övladı ilə münasibətlərini qaydaya salmağın yeganə yolu kimi görünür. Lakin aldadılmış sənət taciri çox keçmədən onların izinə düşməyi bacarır. Çarli anlayır ki, onun atdığı bu addım artıq təkcə özünün deyil, həm də oğlunun həyatını təhlükə altına salıb.

«American Exit» macəra elementli triller və dram filmi 2019-cu ildə ABŞ-da istehsal olunub. Ekran əsərinə Tim Makkann və İnqo Follkammer rejissorluq edib. Əsas rolları Deyn Kuk, Levi Miller, Udo Kir və Kler van der Bom canlandırıb.