Anu

Hind mənşəli on iki yaşlı Anu babası Bapu ilə vaxt keçirməyi hər şeydən çox sevir. Qoca nəvəsinə qədim mənəvi ənənələri öyrədir və birlikdə təbiət qoynunda gəzintiyə çıxırlar. Belə günlərin birində babanın halı qəfil pisləşir, o, xəstəxanaya çatdırılsa da, həyatını xilas etmək mümkün olmur.

Yaxınını itirən qız bu kədərlə barışa bilmir və dərin hüznə qərq olur. Çox keçmədən o, babasının ruhunu görür. Bu qəribə görüşdən sonra Anu hər nə olursa olsun onunla yenidən əlaqə qurmaq və babasını geri qaytarmaq qərarına gəlir.

ABŞ istehsalı olan macəra və dram janrlı «Anu» filmi 2023-cü ildə rejissor Sudeşna Sen tərəfindən ekranlaşdırılıb. Baş rolları İden Kempbell, Andjela DiMarko, Louell Deo və Kristina Vilyams canlandırıblar.