Kabus və Qaranlıq

XIX əsrin sonlarında britaniyalı mühəndis Con Patterson Londondan Afrikaya, Tsavo bölgəsinə yollanır. Onun qarşısına çayın üzərindən dəmir yolu körpüsü salmaq vəzifəsi qoyulur. Həmişə Afrika səfərini arzulayan Con, hamilə həyat yoldaşını evdə qoyaraq çoxsaylı işçi qrupunun çalışdığı tikinti meydançasına gəlir.

Lakin tikinti yerindəki insanları qəfil ortaya çıxan adamyeyən şirlərin qorxusu bürüyür. Gəldiyi ilk gün yırtıcılardan biri işçilərdən birinə ağır xəsarət yetirir. Patterson pusqu quraraq həmin şiri öldürməyi bacarır və işlər yenidən canlanır. Buna baxmayaraq, bir müddət sonra fəhlələrin müəmmalı şəkildə həlak olması prosesi yenidən dayandırır.

«The Ghost and the Darkness» filmi 1996-cı ildə rejissor Stiven Hopkins tərəfindən çəkilib. ABŞ və Almaniya istehsalı olan macəra trillerində əsas rolları Maykl Duqlas, Vel Kilmer, Tom Uilkinson və Con Kani canlandırırlar.