Yerli

Ömrünü yollarda keçirmiş və sağalmaz xəstəliyə tutulmuş ahıl bir kişi son günlərini uşaqlıq illərinin keçdiyi Avstraliya vadisində qarşılamaq niyyətinə düşür. O, xatirələrinin qaldığı bu sakit guşəyə doğru çətin bir səfərə başlayır.

Səyahət əsnasında qocanın yolu valideynlərini indicə itirmiş kimsəsiz bir oğlan uşağı ilə kəsişir. Kişi çarəsiz qalan bu yetimi təbiətin ortasında tək qoymur və onu özü ilə birlikdə aparmağa qərar verir.

1980-ci ildə ekranlara çıxan «The Earthling» macəra dramının rejissoru Piter Kollinsondur. ABŞ və Avstraliyanın birgə istehsalı olan bu filmdə baş rolları Uilyam Holden, Riki Şroder, Cek Tompson və Oliviya Həmnet canlandırıblar.