Sallivanın səyahətləri

Hollivudun uğurlu komediya rejissoru Con Lloyd Sallivan yaradıcılığında ciddi bir dram çəkmək qərarına gəlir. Ətrafdakı kədər və çətinlikləri görən kino xadimi insanlara gülüşün bəs etmədiyini düşünür və yeni filmi üçün real həyatı öyrənməyə can atır. Yoxsulluğun nə olduğunu anlamaq üçün o, köhnə geyimlər geyinərək cibində cəmi bir qəpiklə bütün ölkəni gəzməyə yollanır.

Səfərin elə ilk dayanacağında Sallivan üzərindəki həmin tək qəpiyi də itirir. Çətin vəziyyətdə qalan rejissora ziyafət libasında olan cazibədar bir qadın kömək əlini uzadır. Beləliklə, həqiqət axtarışında olan bu cütlük Amerika yollarında həm çətinlikləri, həm də sevincli anları birlikdə qarşılamağa başlayır.

«Sullivan's Travels» filmi 1941-ci ildə ABŞ-da rejissor Preston Stördces tərəfindən lentə alınıb. Macəra və melodram elementləri daşıyan ekran əsərində əsas rolları Coel MakKri, Veronika Leyk, Robert Uorrik və Uilyam Demarest ifa edirlər.