Eyni ayın altında

Doqquzyaşlı Karlitos Meksikada anasından uzaqda böyüyür. Dörd il əvvəl anası Rosario övladına daha yaxşı həyat təmin etmək məqsədilə qeyri-qanuni yolla Amerikaya işləməyə gedib. Nənəsinin yanında qalan azyaşlı Karlitos onun qəfil vəfatından sonra tək qalır.

Himayəçisini itirən uşaq anasını axtarmaq üçün ABŞ sərhədini gizlicə keçərək Los-Ancelesə doğru yola çıxır. «La misma luna» filmi həm oğlanın bu çətin səyahətini, həm də yad ölkədə yaşamaq və işləmək üçün mübarizə aparan Rosarionun gündəlik qayğılarını nümayiş etdirir.

ABŞ və Meksikanın birgə istehsalı olan macəra dramının rejissoru Patrisiya Riggendir. 2007-ci ildə ekranlara çıxan bu ekran əsərində əsas rolları Adrian Alonso, Keyt del Kastillo, Eyxenio Derbes və Maya Zapata ifa ediblər.