Dəniz canavarı

Gəmi qəzasından sonra buzlu dəniz sularında qalan gənc yazıçı Hempton Van Veyden son anda bir balina ovlayan gəmi tərəfindən xilas edilir. Lakin bu qurtuluş onun üçün gözlənilməz bir sınağa çevrilir.

Gəminin Qurd Larsen ləqəbli qəddar və hiyləgər kapitanı heyəti amansız qaydalarla idarə edir. İtaətsizlik edən hər kəs sərt cəzalandırılır və heç bir xırdalıq kapitanın nəzərindən qaçmır. Həyatda qalmaq üçün gənc yazıçı ya məhv olmalı, ya da bu sərt mühitə uyğunlaşaraq gəmi heyətinin əsl üzvünə çevrilməlidir.

«Dəniz canavarı» (Sea Wolf) macəra və dram filmi 2009-cu ildə Kanada və Almaniyanın birgə istehsalı kimi təqdim olunub. Ekran əsərinin rejissoru Mayk Barkerdir, əsas rolları isə Sebastyan Kox, Tim Rot, Niv Kempbell və Stiven Kempbell Mur canlandırıb.