Firon

Qədim Misirdə hökmdarların əvvəlki qüdrəti zəifləməyə başlayır. Dövlətin xəzinəsi tükəndiyi halda, kahinlərin anbarları qızılla doludur. Gənc firon XIII Ramzes döyüşlərdə cəsarət göstərsə də, şəxsi həyatında çıxılmaz vəziyyətə düşür. Yəhudi qadın Saradan olan oğlu taxt-taca sahib çıxa bilmir, kahinə Kama ilə münasibət isə dini qaydalarla qadağan olunub.

Hökmdarın əsas mübarizəsi kahinlər təbəqəsinə qarşı yönəlir. Ramzes onların ölkədəki böyük təsirini məhdudlaşdırmaq niyyətindədir. Lakin baş kahin Herhor bu planlara qarşı tədbir görür. O, Ramzesi aradan götürüb yerinə bənzərini keçirmək üçün gizli bir hazırlığa başlayır.

Polşa istehsalı olan tarixi dram janrlı «Firon» filminin rejissoru Yeji Kavaleroviçdir. Ekran əsəri 1966-cı ildə nümayiş etdirilmişdir. Əsas obrazları Rışard Ronçevski, Leonard Andjeyevski, Lütsina Vinnitska və Kristina Mikolayevska canlandırıblar.