Rusiyada itənlər

Pekinli iş adamı Syuy İvan çətin bir boşanma ərəfəsindədir. Həyat yoldaşı isə onların ortaq şirkətini satmaq məqsədilə Nyu-Yorka yollanmağa hazırlaşır. Bu sövdələşməyə mane olmaq üçün tələsik hava limanına gələn İvan pasportunu anasında unutduğunu anlayır. Həmin vaxt anası konsertdə çıxış etmək üçün artıq Moskva qatarına minmiş olur.

Sənədi götürmək istəyən qəhrəman gözlənilmədən özü də bu qatarda qalmalı olur. Beləliklə, İvan nifrət etdiyi qatarda altı günlük uzun bir yola çıxır. Səfər boyu anası oğlunun ayrılmaq üzrə olduğunu bilmədən ona uşaq sahibi olmaq barədə nəsihətlər verir və qayğısı ilə onu bezdirir.

2020-ci il istehsalı olan bu Çin macəra komediyasının rejissoru baş rolu da canlandıran Syuy Çjendir. Filmdə həmçinin Xuan Bo, Qodfri Qao və Paulo Zeymer çəkiliblər.