Yaşıl buz

Uğursuz nikahından qaçan cazibədar bir kişi Kolumbiyaya yollanır. O, burada bacısı yerli korrupsiyalaşmış rejim nümayəndələri tərəfindən öldürülmüş zəngin və gözəl bir amerikalı qadınla tanış olur. Zümrüd qaçaqmalçılığı ilə məşğul olan təhlükəli cinayətkarın peyda olması isə bu münasibətləri qəliz bir məhəbbət üçbucağına çevirir.

Rejimə qarşı mübarizə aparan yerli üsyançılar baş qəhrəmanı öz tərəflərinə çəkirlər. Onlar birgə plan quraraq dəyərli zümrüdləri oğurlayırlar. Bu riskli addımdan sonra qəhrəmanları amansız təqibdən qurtulmaq üçün çətin sınaqlar gözləyir.

«Yaşıl buz» macəra filmi 1981-ci ildə Böyük Britaniyada istehsal olunub. Ekran əsərinin rejissoru Ernest Deydir, əsas rolları isə Rayan O’Nil, Enrike Novi, Enrike Lusero və Sandra Kerns canlandırıblar.