Amazoniya

Gənc Ketrin Maylz on səkkiz yaşını qeyd etmək məqsədilə valideynlərinin yanına, Amazon meşələrinə yollanır. Lakin ailənin çayda qayıqla gəzintisi qəfil və qanlı faciə ilə nəticələnir. Valideynləri amansızcasına qətlə yetirilir, gənc qız isə sağ qalmağı bacarır.

Ketrin yerli vəhşi qəbilənin döyüşçüləri tərəfindən əsir götürülür. «Amazoniya» filminin qəhrəmanı sivilizasiyadan uzaq, təhlükələrlə dolu cəngəllikdə yerli xalqın adət-ənənələri və qanunları arasında həyat mübarizəsi aparmalı olur.

İtaliya istehsalı olan bu 1985-ci il macəra və qorxu dramının rejissoru Mario Qariatsodur. Ekran əsərində baş rolları Elvira Odre, Rik Battalya, Andrea Koppola və Uill Qonzales canlandırıblar.