Möcüzələr

Mərkəzi Amerikanın sıx cəngəlliklərində yerli qəbilə başçısının qızı ağır xəstələnir. Ona kömək edə bilməyəcəyini anlayan yerli şaman tanrılardan şəhərli bir həkim göndərməsini diləyir. Eyni vaxtda Nyu-Yorkda yaşayan cərrah Rocer həyat yoldaşı Cina ilə çətin və xərcli boşanma prosesini yenicə başa vurmuşdur.

Tale Rocer və Cinanı zərgərlik dükanını qarət edib polisdən qaçan Xuan adlı cinayətkarla qarşılaşdırır. Soyğunçunun girovuna çevrilən keçmiş ər-arvadın başına ağlasığmaz hadisələr gəlir: onlar atışmalardan qaçır, yanacağı və pilotu olmayan təyyarəni yerə endirir, həbsxana partlayışından sağ çıxır və gəmi qəzasına uğrayırlar.

1986-cı ildə çəkilmiş macəra dolu «Möcüzələr» komediyasının quruluşçu rejissoru Cim Kaufdur. ABŞ və Meksika istehsalı olan bu filmdə əsas rolları Alexandro Braço, Karlos Qonzales, Bob Nelson və Cozef Uipp canlandırıb.