Təbib

Fədakar alim xərçəng xəstəliyinə qarşı dərman tapmaq məqsədilə həyatını tədqiqatlara həsr edir. Bu axtarışlar onu Braziliyanın ucqar Amazon meşələrinə aparıb çıxarır. Xarici aləmlə əlaqəsi kəsilən tədqiqatçı keçilməz cəngəlliklərdə ölümcül xəstəliyin çarəsini axtarmağa davam edir.

Layihəni maliyyələşdirən şirkət vəziyyəti yerində yoxlamaq üçün oraya öz nümayəndəsini göndərir. Əvvəlcə bir-biri ilə yola getməyən bu iki insan tədricən yaxınlaşır və aralarında romantik hisslər yaranır. Lakin onlar çoxdan gözlənilən nəticəyə yaxınlaşdıqda, qarşılarına mənfəət güdən amansız işbazlar çıxır.

«Medicine Man» macəra filmi rejissor Con Maktirnan tərəfindən çəkilib. 1992-ci il ABŞ istehsalı olan dramda baş rolları Xose Lavat, Joze Vilker, Fransisko Tsiren Tsere Rereme və Elias Monteyru Da Silva canlandırıb.