Xizək patrulu

Dağ-xizək kurortunun təhlükəsizliyinə qısaboylu rəhbərin başçılıq etdiyi yeddi nəfərlik qəribə xilasedici dəstəsi nəzarət edir. Hər addımları gülüş doğuran bu səriştəsiz işçilər qarlı yamaclarda növbə çəkərkən daim gülməli vəziyyətlərə düşürlər.

Lakin dinc istirahət məkanının başı üzərini təhlükə alır. Maris adlı tamahkar iş adamı kurortun nüfuzunu qonaqların gözündən salmaq, məkanı iflasa uğradıb ələ keçirmək və yerində müasir istirahət mərkəzi ucaltmaq üçün təxribat hazırlayır. «Xizək patrulu» filminin qəhrəmanları bu məkrli planın qarşısını almaq məcburiyyətində qalırlar.

1989-cu ildə ABŞ-da istehsal olunmuş bu macəra komediyasının rejissoru Riç Korreldir. Əsas rolları Devid B. Nouell, Tess Foltin, Martin Mall və Debora Rouz canlandırıblar.