Í skugga hrafnsins

İslandiyanın soyuq torpaqlarında baş verən qanlı hadisələrdən sonra qədim inanclar xristianlıqla əvəzlənməyə başlayır. Buna baxmayaraq, yeni din vikinqlərin amansız adətlərini tamamilə dəyişə bilmir. Ağsaqqallardan birinin ölümü yerli icmanı parçalayır və tərəflər arasında barışmaz düşmənçilik alovlanır.

Norveçdən təzəcə qayıdan gənc oğlan dərhal bu qanlı qarşıdurmanın ortasında qalır. Ailəsini, sevgilisini və gələcəyə olan ümidlərini itirən qəhrəman intiqam almaq üçün qılınca sarılmağa məcbur olur. «Í skugga hrafnsins» filmi qisas hissi ilə parçalanan insanların mübarizəsini əks etdirir.

1988-ci ildə ekranlara çıxan bu macəra dramının rejissoru Hrafn Qunnloyqsondur. İslandiya, Norveç və İsveç birgə istehsalı olan ekran əsərində baş rolları Ketill Larsen, Nina Noren, Sune Manqs və Riçard Kallen canlandırıb.