Bütün balaca heyvanlar

Anasının vəfatından sonra iyirmi dörd yaşlı Bobbi qəddar ögey atasının qarşısında tək qalır. Ətrafdakıların əqli cəhətdən geri qaldığını düşündüyü gəncin ailə biznesini mənimsəyən ögey ata, ona amansızcasına əziyyət verir. O, gənci psixiatriya xəstəxanasına bağlamaqla hədələyir və sevimli siçanını öldürür. Təzyiqlərə dözə bilməyən gənc evdən qaçmağa qərar verir.

Yollarda sərgərdan gəzən Bobbi insanlardan uzaq duran, lakin canlıları dərindən sevən cənab Sammers adlı qəribə bir qocaya rast gəlir. Bu şəxs şosedə maşınların vurduğu heyvanları axtarıb torpağa tapşırır. Bobbi ona dəstək olmağa və onun həyat baxışını mənimsəməyə hazır olduğunu göstərir. İlk vaxtlar sərt olan tənha qoca gəncin onun meşədəki daxmasında yaşamasına icazə verir və Bobbi şəhərdən uzaqda rahatlıq tapır.

Böyük Britaniya istehsalı olan «Bütün balaca heyvanlar» filmi 1998-ci ildə rejissor Ceremi Tomas tərəfindən çəkilib. Macəra və dram janrındakı ekran əsərində baş rolları Kristian Beyl, Con O’Tul, Devid Fayrstar və Elizabet Erl canlandırır.