Seksmisja

Otuz yaşlı iki gənc, Albert və Maksimilian, professor Kuppelvayzerin elmi təcrübəsində iştirak etməyə razılıq verirlər. Onlar xüsusi kapsullarda dondurularaq cəmi üç il yuxuda qalmalı idilər. Lakin qəhrəmanlar planlaşdırılan vaxtda deyil, yarım əsrdən çox müddət keçdikdən sonra — 2044-cü ildə oyadılırlar.

Bu müddət ərzində dünyada hər şey kökündən dəyişib: bütün kişilər məhv olub və bu iki dost Yer kürəsində yeganə sağ qalan kişi nümayəndələridir. İyirmi birinci əsrin yeni cəmiyyəti yerin dərinliklərində məskunlaşan və mayalanma olmadan çoxalmağı öyrənən qadınlardan ibarətdir. Həyatlarını təhlükəyə atan Albert və Maks bu qadınlar dünyasında xüsusi bir missiyanı yerinə yetirməyə məcbur qalırlar.

Macəra dolu bu fantastik komediya filmini polşalı rejissor Yulyuş Maxulski çəkib. Ekran işi 1983-cü ildə Polşada istehsal olunub. Baş rolları Yeji Ştur, Eljbeta Yasinska, Dorota Stalinska və Anna Vesolovska canlandırıblar.