Dauriya

«Dauriya» filmi Birinci Dünya müharibəsi ərəfəsində və Oktyabr inqilabı illərində Baykal arxasında yerləşən kiçik bir kənddə cərəyan edən hadisələri əks etdirir. Gənc kazak Roman Ulibin əvvəlcə yalnız öz şəxsi hissləri barədə düşünür. Qayğısız gənci ancaq sevdiyi qız Daşutkanın ona ərə gedəcəyi, yoxsa tacir oğlu Alyoşkaya veriləcəyi narahat edir.

Əsrlərlə formalaşmış kənd nizamı dövrün böyük sarsıntıları ilə darmadağın olur. İnsanlar arasında kəskin təbəqələşmə yaranır: bəziləri inqilab uğrunda vuruşur, digərləri isə ona qarşı çıxır. Ətrafdakıların bərabərlik və ədalət naminə mübarizəyə qalxdığını görən cəsur kazak da proseslərdən kənarda qala bilmir.

Tarixi macəra filmi 1971-ci ildə SSRİ-də rejissor Viktor Trequboviç tərəfindən çəkilib. Baş rollarda Arkadi Tiqay, Yuri Nazarov, Vladimir Qorkov və Vitali Solomin çıxış edirlər.