Dərinlik üzərində: Sağ qalma xronikası

Amerikalı üç tələbə kəskin hisslər arxasınca Cənubi Avstraliya sahillərinə yollanır. Gənclər xüsusi qəfəsdə suyun dibinə enməyi və böyük ağ köpəkbalığı ilə qarşılaşmanı kameraya çəkməyi planlaşdırırlar.

Əyləncə məqsədilə başlayan bu macəra qəfil baş verən fəlakət nəticəsində təhlükəli vəziyyətə çevrilir. "Open Water 3: Cage Dive" filminin qəhrəmanları açıq dənizin ortasında, yırtıcı köpəkbalığı ilə tamamilə tək qalırlar.

Avstraliya istehsalı olan bu gərgin triller rejissor Cerald Raşionato tərəfindən lentə alınıb. 2016-cı ildə ekranlara çıxan filmin əsas rollarını Süzann Dərviş-Əli, Coş Potthoff, Meri O'Nil və Trişia Bruks canlandırıb.