Üsyançılar

Hadisələr eramızın birinci əsrində, Roma imperiyasının nəzarəti altında olan Uels torpaqlarında cərəyan edir. Dörd yeniyetmə təsadüfən bir Roma əsgərini qətlə yetirir və bu hadisə işğalçılara qarşı narazılıqların üsyana çevrilməsinə səbəb olur.

Roma ordusunun qəzəbindən qorxan gənclər doğma kəndlərini tərk etmək məcburiyyətində qalırlar. Doğma ocaqlarından uzaq düşən qəhrəmanlar təqibdən gizlənmək üçün vəhşi təbiətdə sağ qalmağın yollarını öyrənməli olurlar.

Böyük Britaniya istehsalı olan «The Rebels» macəra filminin rejissoru Emmet Kammensdir. 2019-cu ildə çəkilmiş bu ekran əsərində əsas rolları Saymon Nehan, Sara-Luiz Tayler, Frederik Hyuz və Ceyms Qrum canlandırıb.