Zaman halqası

Gənc londonlu alim Riki atasının dəvətini qəbul edərək İtaliyanın sakit bir kəndinə yollanır. O, atasının apardığı elmi sınaqlarda iştirak etmək niyyətindədir. Lakin çox keçmədən bəlli olur ki, tədqiqatçı əslində zaman maşını kəşf edib.

Bu qeyri-adi ixtira dərhal başqa qüvvələrin də diqqətini cəlb edir. Nəticədə Riki hələ etmədiyi seçimlərin fəsadları ilə üz-üzə qalır və yaranmış zaman tələsindən çıxış yolu axtarmalı olur.

«Time Loop» adlı fantastik macəra filmini rejissor Siro Sorrentino lentə alıb. İtaliya istehsalı olan bu ekran əsəri 2019-cu ildə işıq üzü görüb. Baş rolları Sem Qittins, Elli Pusso, Mino Sferra və Mikelancelo Centile canlandırıblar.