Bədheybətlər

NASA-ya məxsus peykin Mərkəzi Amerika ərazisinə düşməsindən altı il ötür. Həmin qəzadan sonra Meksikanın böyük bir hissəsi xüsusi karantin bölgəsinə çevrilib.

Amerikalı jurnalist həmyerlisi olan qadın turisti bu təhlükəli və təcrid olunmuş ərazidən keçirərək ABŞ sərhədinə çatdırmağı öhdəsinə götürür. «Monsters» filmi onların bu riskli səyahəti zamanı üzləşdiyi sınaqlardan bəhs edir.

Böyük Britaniya və Meksika istehsalı olan bu fantastik triller 2010-cu ildə rejissor Qaret Edvards tərəfindən çəkilib. Filmin əsas rollarını Uitni Eybl, Kerri Valderrama və Entoni Kristo canlandırıblar.