Karmo

İspaniyalı Marko ayaqları iflic olsa da, qırmızı cipi ilə Latın Amerikası yollarında irəliləyir. Avtomobilinin yük yeri qeyri-adi bir yüklə doludur. Braziliyadakı yol kənarı yeməkxanaların birində o, sərxoş adamın hücumuna məruz qalan Mariya do Karmo adlı gənc qıza kömək edir və onu maşınına mindirir.

Evdən qaçmış bu inadkar qız tezliklə öz xarakterini göstərir və arxalarınca düşən cinayətkarlardan qurtulmaqda Markoya dəstək olur. Təsadüfi tanışlıq təhlükəli bir kriminal səfərə çevrilir. Birgə qət etdikləri çətin yollar onları addım-addım bir-birinə yaxınlaşdırır.

«Karmo» filmi 2008-ci ildə İspaniya, Polşa və Braziliya istehsalı olaraq çəkilib. Macəra və melodram janrlarını birləşdirən ekran əsərinin rejissoru Murilu Pastadır. Əsas rolları Roberto Bonifazzi, Patricia de Andrade, Dilson de Souza və Zé Roberto dos Santos canlandırıb.