Tənha qalanlar

Uzun müddətdir arzuladıqları səyahətə çıxan ər-arvad üçün bu dəniz turu gözlənilməz sınağa çevrilir. Gəminin qəzaya uğramasından sonra cütlük sağ qalaraq Antarktida yaxınlığında yerləşən kimsəsiz bir adaya düşür.

«Soudain seuls» filminin qəhrəmanları bu sərt mühitdə yaşamaq uğrunda mübarizə aparmaq məcburiyyətində qalırlar. İnsan ayağı dəyməyən bu torpaqda sağ qalmaq ehtimalı olduqca aşağıdır və onlar həm soyuq iqlimə, həm də təbiətin digər təhlükələrinə qarşı durmağa çalışırlar.

Macəra və triller janrında olan bu dram 2023-cü ildə Fransa, Belçika və İslandiyanın birgə istehsalı kimi təqdim olunub. Filmin rejissoru Toma Bideqendir, baş rolları isə Jil Lelluş və Melani Tyerri canlandırıb.