Xeopsun sirri

Qahirədə qazıntılar aparan arxeoloq Kristian Robinson müəmmalı bir yazı aşkarlayır. Alim firon Xeopsun xəzinəsinin vaxtilə Napoleonun Misir yürüşü zamanı tapılaraq Fransaya daşındığına və Parisdə gizlədildiyinə qəti şəkildə inanır.

Luvrun ilk rəhbəri Dominik Vivan-Denonun qoyub getdiyi ipuclarını addım-addım çözmək qərarına gələn Kristian, axtarışlara qızını və nəvəsini də cəlb edir. Ailə üzvləri qədim sərvətin izinə düşərək Fransa paytaxtının müxtəlif guşələrində axtarış aparmağa başlayırlar.

«Xeopsun sirri» (Le secret de Khéops) macəra komediyası 2025-ci ildə Fransa və Belçika tərəfindən istehsal olunub. Rejissor Barbara Şults tərəfindən çəkilən filmin əsas rollarında Jülyet Mayer Mişalon, Adrien Urso, Mohamed Amine Kihal və Minne Hatchuel çıxış edir.