Alfa

İyirmi min il əvvəl Yer üzündə hökm sürən amansız soyuqlar insanları hər addımda təhlükə ilə üz-üzə qoyurdu və yaşam ovun nəticəsindən asılı idi. Dövrunə görə inkişaf etmiş qəbiləyə mənsub olan gənc ovçu gözlənilmədən tək qalaraq sərt təbiətlə təkbaşına mübarizə aparmaq məcburiyyətində qalır.

«Alfa» macəra filminin qəhrəmanı öz qorxuları ilə qarşılaşaraq doğma tayfasına qayıtmaq üçün çətin bir yol qət etməlidir. Bu təhlükəli səyahətin nəticəsi təkcə gəncin həyatını deyil, bütövlükdə bəşəriyyətin gələcək taleyini də dəyişə bilər.

Ekran əsərinin quruluşçu rejissoru Albert Hyuzdur. ABŞ, Kanada və Çin istehsalı olan dram 2018-ci ildə nümayiş olunub. Baş rolları Kodi Smit-Makfi, Nataşa Malte, Patrik Fleneqan və Nestor de la Serda canlandırıblar.