Emanuelle və adamyeyənlər

Psixiatriya xəstəxanasında araşdırma aparan jurnalist Emanuelle burada adamyeyənlik meyli olan qeyri-adi bir pasiyentlə rastlaşır. Həmin gənc qadının bədənində nadir bir tatuaj diqqət çəkir. Bu cür işarələrin Amazonun keçilməz cəngəlliklərində məskunlaşmış və çoxdan nəsli kəsilmiş hesab edilən qəbiləyə aid olduğu üzə çıxır.

Həqiqəti üzə çıxarmaq qərarına gələn Emanuelle Cənubi Amerikanın sıx meşələrinə doğru yola çıxır. Təhlükələrlə dolu bu ekspedisiya zamanı jurnalist vəhşi təbiətlə və qədim qəbilənin son qalıqları ilə üz-üzə qalır.

İtaliya istehsalı olan macəra və qorxu filmi «Emanuelle və adamyeyənlər» 1977-ci ildə rejissor Co D’Amato tərəfindən çəkilib. Ekran əsərində əsas rolları Donald O’Brayen, Maria Gabriella Mezzetti, Ceffri Koplston və Massimo Çiprari ifa ediblər.