Antuanetta Sevenndə

İbtidai sinif müəllimi Antuanetta həftəsonunu şagirdlərindən birinin atası olan sevgilisi ilə keçirməyi planlaşdırırdı. Lakin kişinin qanuni həyat yoldaşı həmin günlərdə Fransanın cənubuna ailəvi səyahət təşkil etdikdə bütün planlar alt-üst olur. Məyus olan qadın geri çəkilmək istəmir və sevgilisinin ailəsinin arxasınca eyni marşrut üzrə yola düşür.

Dağlıq cığırlarda onun yol yoldaşı Patrik adlı tərs bir uzunqulaq olur. Birlikdə keçdikləri yolda bu dördayaqlı heyvan bəzi kişilərdən daha nəcib, dözümlü və anlayışlı davranaraq qadının əsl dayağına çevrilir.

2020-ci il istehsalı olan «Antoinette dans les Cévennes» macəra komediyasını rejissor Karolin Vinyal lentə alıb. Fransa və Belçika istehsalı olan ekran işində baş rolları Lor Kalami, Oliviya Kote, Lüdivin de Şasne və Pyer Laur canlandırıblar.