Maqnit adam

Lüsyen hələ dünyaya gəldiyi gündən başqalarından fərqlənən qeyri-adi bir xüsusiyyətə sahibdir. O, əsl maqnit kimidir və ətrafdakı bütün metal əşyalar onun bədəninə yapışır. Lakin doğulduğu yerdə bu təbii bacarıq üçün heç bir şərait və fayda tapılmır.

Bir gün gözlənilməz bir hadisə gəncin həyatını tamamilə başqa səmtə yönəldir. O, yaxınlıqdan ötən bir qatara maqnit kimi çəkilərək yapışır və qatar onu doğma elindən çox uzaqlara aparır. Beləliklə, Lüsyen üçün yad yerlərdə gözlənilməz sınaqlar və macəralar başlanır.

«Maqnit adam» filmi 2023-cü ildə rejissor Qust van den Berqe tərəfindən çəkilib. Niderland, Belçika və Lüksemburqun birgə istehsalı olan bu dram və komediya janrlı ekran əsərində baş rolları Villeke van Ammelroy, İzolda Düşauk, Denis Simonetta və Mike Dobbels canlandırıb.