Fateh Vilhelm

1066-cı ilin yanvarında İngiltərə kralı Eduard arxasında heç bir varis qoymadan dünyasını dəyişir. Boş qalmış taxt-taca sahib çıxmaq istəyən Normandiya hersoqu Vilhelm sadiq döyüşçülərini toplayaraq səfərə çıxır. Lakin hakimiyyət iddiasında olan tək o deyil və qarşıda amansız qarşıdurmalar gözləyir.

Tac uğrunda mübarizə açıq döyüş meydanları ilə yanaşı, həm də daxili xəyanətlərlə müşayiət olunur. Vilhelm təkcə aşkar rəqiblərlə deyil, öz ətrafında gizlənən düşmənlərlə də üz-üzə qalır. İradəsi, zəkası və qətiyyəti sayəsində o, maneələri aşaraq İngiltərəni güclü və müstəqil bir dövlətə çevirəcək hökmdar kimi tarixə düşür.

Fransa istehsalı olan macəra dramı «Fateh Vilhelm» 2015-ci ildə rejissor Fabien Drujon tərəfindən ekranlaşdırılıb. Filmin əsas rollarını Dan Bronchinson, Kevin Lelannier, Gauthier Battoue və Fabrice Colson canlandırıblar.