On Əmr

Qədim Misir hökmdarı eşitdiyi kəhanətdən ehtiyat edərək bütün yeni doğulmuş oğlan uşaqlarının öldürülməsini əmr edir. Bu qəddar qərara baxmayaraq, yəhudi qul ailəsində dünyaya gələn bir körpə sağ qalmağı bacarır. Musa adlı bu uşaq fironun sarayında böyüyərək yetkinlik yaşına çatır.

Zaman keçdikcə Musa xalqının rəhbərinə çevrilir və qulları azadlığa qovuşdurmağı qarşısına məqsəd qoyur. Firon Ramzes yəhudiləri Misirdən buraxmaqdan qəti şəkildə imtina edir. Hökmdarın bu addımından sonra Musa inadkarlığın nəticəsi olaraq ölkəni ağır bəlaların gözlədiyini bildirir.

ABŞ istehsalı olan «The Ten Commandments» tarixi macəra filmi rejissorlar Robert Dornhelm və Geoffrey Madeja tərəfindən lentə alınıb. 2006-cı ildə ekranlara çıxan ekran əsərində əsas obrazları Dougray Scott, Linus Roache, Naveen Andrews və Mía Maestro canlandırıblar.