Rom bulvarı

Quru qanun dövründə Kornelius van Zelinqa Karib adalarından Amerika sahillərinə qaçaqmalçılıq yolu ilə spirtli içki daşıyır. Sahil mühafizəsi katerlərinin pusquda durduğu bu marşrut böyük gəlirlə yanaşı daimi təhlükə yaradır. Növbəti səfərlərin birində kapitan ölümdən təsadüfən qurtula bilir.

Riskli və təhlükəli bir oyun vasitəsilə pul qazanan dənizçi yeni gəmi alaraq əvvəlki işinə qayıdır. O, kinoteatrda heyran qaldığı məşhur aktrisanın şərəfinə gəmisinə ad verir. Çox keçmədən tale ona pərəstiş etdiyi kino ulduzu ilə şəxsən görüşmək və hisslərini bildirmək imkanı yaradır.

«Boulevard du Rhum» macəra komediyasını rejissor Rober Enriko lentə alıb. İspaniya, Fransa və İtaliyanın birgə istehsalı olan bu film 1971-ci ildə ekranlara çıxıb. Əsas rolları Lino Ventura, Brijit Bardo, Bill Trevers və Klayv Revill canlandırıblar.