Mayna

Gənc Mayna qədim adət-ənənələrə və ruhlara inanan Şimali Amerika yerlilərinin qəbiləsində böyüyür. Qızın anası Takaera tayfa başçısı olan ərinin xəyanətini bağışlamayaraq camaatdan ayrılır və tənha şaman həyatı sürməyə başlayır. Maynanı isə atasının yeni həyat yoldaşı boya-başa çatdırır.

Tayfa rəhbərinin düşmən qəbilədən olan Saitu tərəfindən zəhərlənərək öldürülməsi qızın həyatını dəyişir. Saitu Maynanı ələ keçirmək istəyərkən qəbilənin Nipki adlı on bir yaşlı oğlan uşağı qaçırılır. İgid qız uşağı tapıb xilas etmək məqsədilə təhlükələrlə və yeni insanlarla qarşılaşacağı uzaq bir səfərə yollanır.

Kanada istehsalı olan «Mayna» macəra filmi 2013-cü ildə rejissor Mişel Polett tərəfindən çəkilib. Dram janrındakı ekran əsərində baş rolları Rouzenn Supernolt, İpili Ootova, Uapşkus Terniş və Erik Şveyq canlandırır.