Snehithuda

Heydərabadda yaşayan kimsəsiz Sai adlı gəncin özünə aid heç bir mülkü yoxdur. Sahib olduğu yeganə əşya motosiklet olsa da, hazırcavab və nikbin xarakteri sayəsində o, çətinliklərdən asanlıqla çıxış yolu tapır. Sai hər gün fərqli işlərdə çalışır, gecələri isə sahibləri evdə olmayan dəbdəbəli mülklərdə gizlicə keçirir.

Növbəti gecələmə zamanı gəncin planı pozulur və o, daxil olduğu evdə gənc bir qadınla üz-üzə gəlir. Həbs olunmaqdan qorxan Sai onu polisə verməməsi üçün yalvarmağa başlayır. Lakin tezliklə aydın olur ki, evin xanımı sandığı bu qız da əslində həmin yerin əsl sahibi deyil.

2009-cu ildə Hindistanda istehsal olunmuş «Snehithuda» melodram filminin rejissoru Satyam Bellakondadır. Ekran əsərinin baş rollarında Nani, Madhavi Latha, Apurva və Brahmanandam çəkiliblər.