Sövdələşmə

Dipak və Coti bir-birini ürəkdən sevən gənc ər-arvaddır, lakin onların ən böyük problemi yoxsulluqdur. Günlərin birində ailənin sakit həyatına Prakaş adında varlı və özünə güvənən bir şəxs daxil olur. Onun gəlişi gənc cütlüyün münasibətlərini sınağa çəkir.

Dipak ağır maddi böhran içində qalaraq çarəsiz vəziyyətə düşür. Bu vəziyyətdən istifadə edən varlı qonaq ona qəribə təklif irəli sürür: böyük məbləğdə pul müqabilində gözəl həyat yoldaşını bir gecəlik ona vermək. İndi ailə bu çətin mənəvi qərarla üz-üzə qalır.

Hindistan istehsalı olan «Sövdələşmə» (Sauda) filmi 1995-ci ildə ekranlara çıxıb. Melodram janrındakı ekran əsərinin rejissoru Rameş Modidir, baş rolları isə Sumit Sayqal, Nilam Kotari, Vikas Bhalla və Səid Ceffri canlandırıblar.