Yük

Balaca Olqa anasının ölümündən sonra atası ilə təklikdə yaşayır. Bir axşam qız atası ilə sevgilisi Svetanın söhbətinə qulaq müsafiri olur. Atası qadına birdəfəlik onlarla qalmağı təklif edir, lakin Sveta ailədə körpənin maneə olmasını istəmir və uşağı gecə-gündüz fəaliyyət göstərən bağçaya verməyi məsləhət görür.

Eşitdiyi ağır və yad sözün mahiyyətini anlamaq istəyən balaca qız bağça tərbiyəçisi Varyadan bu kəlmənin mənasını soruşur. Olqa bu tərbiyəçiyə çox dərindən bağlanıb və onun qayğısını daim hiss edir. Hətta uşaq öz xəyallarında məhz bu mehriban qadını yeni anası kimi görmək istəyir.

«Yük» («Обуза») adlı sovet melodram filminin rejissoru Yefim Qribovdur. Ekran əsəri 1983-cü ildə SSRİ-də istehsal olunub. Əsas obrazları Yuliya Kosmaçeva, Yevgeni Nikitin, Olqa Vedernikova və Marina Şimanskaya canlandırıblar.