Cazibə

Maşa ezamiyyətdə olarkən həyat yoldaşı Oleqin yol qəzasında həlak olması xəbərini alır. Səfərdə olduğu üçün o, ərinin dəfn mərasimində belə iştirak edə bilmir. Evə qayıtdıqdan sonra isə gənc qadın ətrafında baş verən qəribəliklərlə üzləşir: qardaşının şübhəli hərəkətləri diqqət çəkir və hər gecə eyni yuxu təkrarlanır.

Doğmalarının ondan nəsə gizlətdiyini hiss edən Maşa həqiqəti tapmaq üçün addım atır. Nəticədə o, yuxularında gördüyü həmin məkana gəlib çıxır və burada yaşlı rəssam Aleksandr Nikolayeviç ilə tanış olur.

Triller və melodram janrlarını birləşdirən «Cazibə» (Pprityajeniye) filmi 2009-cu ildə Ukraynada lentə alınıb. Rejissor Anton Azarovun ekran işində baş rolları Olqa Krasko, Valentin Qaft, Aleksandr Kobzar və Olesya Jurakovskaya canlandırıblar.