Aag

Vəkil ailəsində böyüyən Keval Xanna atasının yolunu davam etdirmək fikrində deyil. Gəncin bütün fikri-zikri teatr səhnəsindədir, buna görə də o, vəkillik imtahanlarından qəsdən kəsilir. Qəzəblənən ata oğlunu evdən qovsa da, Keval ruhdan düşmür.

Bombeyə üz tutan gənc burada keçmiş impresario Racanla qarşılaşır. Racan gəncin uşaqlıq sevgisi haqqında tamaşa hazırlamaq planını bəyənir və ona dəstək olur. Səhnə əsərinin baş roluna tapdıqları qadın aktrisa isə tezliklə hər iki dostun qəlbində hisslər oyadır.

1948-ci il istehsalı olan musiqili Hindistan filmi «Aag» rejissor Rac Kapur tərəfindən lentə alınıb. Baş rolları Nərgiz, Kamini Kauşal, Nigar Sultana və Kamal Kapur canlandırıblar.